Guwahati-ah ni 90 awh tur 'No Horn' Campaign nei mek

Ni 90 awh tur 'No Horn' campaign chu Gu­wahati-ah kalpui mek a ni a, kumin kumtir te khan he campaign hi Assam Governor Jaga­dish Mukhi-a'n a lo hawng tawh a ni. Noise pollu­tion tihziaawm nana he cam­paign hi buatsaih an ni.

Governor chuan, "Kan beng hian ri ring tak pawh ngaithla thei mah se hriat theih chin a nei a, ring lutuk chuan natna te pawh a thlen thei a ni", tiin ri tam lutuk tihtlem a ṭul thu a sawi.

Mukhi chuan noise polution thununna tur dan mumal tak a awm loh avangin uluk taka campaign hi kalpui a ṭul thu a sawi bawk.

He campaign pual hian Inter State Bus Terminus (ISBT) hub-ah leh mall-ah te pawh programme buatsaih a lo ni tawh bawk a, bike rally-te pawh neih a lo ni tawh a ni.

Khawpui chhungah banner leh poster-te pawh tar niin sorkar department ṭhenkhat, Assam State Transport Corporation leh Assam Police-te pawhin an thlawp ṭha hle bawk.

He campaign atana hma latu social develop­ment organization ‘Bya­tikram’ co-founder Sau­men Bharatiya chuan khawvel hmun hrang hrangah noise pollution-in harsatna a siam thu sawiin Guwahati pawh hemi ah hian a ban bik loh thu a sawi a, hemi avanga 'No Horn Please' campaign buatsaih an nih thu a sawi. Hun lo kal leh zel turah rah ṭha tak a chhuah a beisei thu a sawi bawk a ni.

'No Horn' campaign hi March 31 thleng neih a ni dawn a ni.