Tripura-ah BJP leh IPFT ṭangrual dawn

Assam Minister Himanta Biswa Sarma chuan Agartala-a thu a sawinaah, Tripura assembly inthlanah an party Bharata Janata Party (BJP) leh Indigenous People’s Front of Tripura (IPFT)-te chu an ṭanrual dawn thu a sawi.

Tripura inthlan tura BJP in-charge Sarma chuan vawi eng emaw zat inbiakna kalpui a nih hnuah IPFT nen hian ṭangrual turin thutlukna an siam tak thu a sawi a, anni pahnih ṭangrual hian Left Front sorkar chu an beih dawn thu a sawi bawk.

An inremna siamah chuan BJP lam hian Tripura Assembly seat 60 awma 51-ah candidate an siam ang a, IPFT lam hian pakua an nei dawn thung a ni. Sarma chuan he ṭangrual pawl hi mi tupawhin an zawm duh a nih chuan BJP lotus symbol an vote a ngai dawn niin a sawi.

BJP kaihhruai anti-Cong­ress North East De­mo­cratic Alliance (NEDA) convener ni bawk Sarma chuan tribal party dang pahnih- Indigenous Nationalist Party of Tripura (INPT) leh National Con­ference of Tripura (NCT)-te chu thurualpui an tum loh thu a sawi bawk.

Himanta Biswa Sarma chuan nominee-te hming hi Inrinni chawhnuah emaw Pathianni zingah emaw tarchhuah a nih dawn thu a sawi.

Sarma chuan February kar hnihnaah hian Prime Minister Narendra Modi, BJP President Amit Shah, Home Minister Rajnath Singh, Uttar Pradesh Chief Minister Yogi Adit­yanathleh sorkar laipui hotu lu dang eng emaw zat chu campaign turin Tripura-ah an kal dawn thu a sawi bawk a ni.