Meghalaya-a Covid-19 vanga thi zinga 92% in vaccine la lo

Meghalaya chief minis­ter Conrad K Sangma chuan an state-a Covid-19 hri vanga thi zinga 92% chu Covid vaccine dose khat pawh la lo an ni tih a sawi.

Meghalaya-ah hian hripui thihpui hi mi 749 awm tawhin, hmarchhak state zingah thihpui zat, mortality rate sanna ber dawttu a ni. Hmarchhak state zingah Nagaland chu mortality rate sanna ber, 1.97% niin Meghalaya hi 1.68% a ni. Covid-19 vanga thi mi 749 zinga 691-te hian vaccine an la lo a ni.

State chhungah vac­cine la thei chin zingah mi nuai riat dawnin vaccine hi an la tawh a, hetih lai hian state chhung hmun hrang hrangah side-effect a neih hlauh vangin vaccine lak hreh hi mi tam tak an awm nia sawi a ni. Hei vang hian state sorkar pawhin kawng hrang hrangin vaccine chungchangah mipuite inzirtirna a nei a, mahse awmzia erawh a nei thui lo nia sawi a ni.