Tripura-ah Covid-19 Delta Plus kai an la awm lo : Sorkar laipui

Sorkar laipui chuan Tripura-ah Covid-19 Delta Plus variant hmuh nia sawi chu a dik lo tih a sawi.

Thuchhuah siamin sorkar chuan Tripura-a April -May inkara RT-PCR hmanga Covid-19 positive tih hmuhchhuah sample 152 chu NIBMG Kayani-ah Whole Genome Sequence (WGS) atan thawn an ni a, heng zinga sample pathum chu B.1.1.7 niin, sample 11 chu B.1617.1 (Kappa variant) leh sample 139 chu B 1.617.2 (Delta variant) an ni tih hmuhchhuah an ni, a ti. Mahse Delta Plus variant a tel lo tih a sawi nghal bawk.

Hetih lai hian Covid-19 nodal officer, Dr Deep Debbarma chuan kar liam ta khan West Bengal-a enfiah tura sample thawn zingah sample 90 chuang chu Delta Plus variant a ni tih hmuh chhuah a nih thu a lo sawi thung.