Manipur-ah Genome Sequencing Facility lab hawng

Manipur khawpui, Imphal-ah Covid variant hrang hrang enfiah theihna tur SARS-CoV-2 Genomics Consortium (INSACOG) Sequencing Facility chu kar liam ta Inrinni khan hawn a ni a, hei hi hmarchhak biala a hmasa ber a ni.

Imphal khaw daia Takyepat-a Institute of Bio-resources and Sustainable Develop­ment (IBSD) Campus-ah INSACOG sequencing facility hi dah a ni a, he laboratory hi Manipur chauh ni lo, hmarchhak state pawhin an hmang ve thei dawn a ni tih Chief Minister secretariat thuchhuah chuan a tarlang.

Chief minister N Biren Singh chuan SARS-CoV-2 genomic variation enfiah theihna tura National Laboratry 28 pawm zinga pakhat an nei thei chu lawmawm a tih thu a sawi. Hei hian Covid-19 hri leng an do meknaah pawh nasa takin a pui thei dawn tih a sawi.