Nagaland Congress-in lungawi lohna lantir chhunzawm zel

Nagaland Pradesh Congress Committee (NPCC) chuan nitin mamawh man leh fuel man sang zel duh lohna lantirin nawrh an la huaihawt chhunzawm zel.

Thawhṭanni khan NPCC chuan a ni rukna atan lungawi lohna hi lantir chhunzawm lehin, Dimapur-ah cycle Yatra an buatsaih. He hunah hian Dimapur District Congress Committee (DCC) officer bearer te, NSUI Nagaland, AIPC Nagland leh NPCC Minority department hruaitute an tel.

Hri leng vanga kaihhruaina siamte zawm chungin, yatra-ah hian NPCC president K Therie hoin cyclist 12 chiah an tel thei a ni. Dimapur DCC office aṭangin City Tower thleng an tlan a ni.

Kohima-ah pawh DCC leh a hnuaia pawl hrang hrangte chuan fuel man sang zel duh lohna lantirin mass signature campaign an neih chhunzawm bawk. PM Modi-a kaihhruai sorkarin mipuite chunga harsatna a thlen duh lohna lantirna hi July 15 thleng an nei dawn tih an sawi. State chhunga NGO hrang hrangte pawh thil man sang duh lohna lantira an aw chhuah turin an sawm bawk.