Nepal PM atan Sher Bahadur Deuba lalut dawn

Nepal eptu hruaitu, Sher Bahadur Deuba chu prime minister thar atan lakluh a ni leh dawn a, PM atana lakluh a nih ṭum nga-na a ni ang.

Thawhṭanni khan Supreme Couirt chuan President Bidhya Devi Bhandari hnenah caretaker prime minister KP Sharma Oli thlaktu tur atan Sher Bahadur Deuba ruat tur hian a hriattir a ni. President office chuan PM thar lakluhna tur hi buaipui nghal a ni a, court-in huntiam a siam chhung ngeia lakluh a ni ang, a ti.

Court hian PM atan Deuba hi ruat mah se, he dinhmun chelh chhunzawm zel thei tur chuan Parliament-ah thlawptu a ngah tawk a ngai dawn thung a ni. Hetih lai hian CPN-UML chuan Deuba an thlawpna hi an hnuhdawh avangin tunah rih chuan majority a la nei pha lo a ni. PM atana lakluh a nih aṭanga thla khat chhung Deuba hian Parliament-ah fiahna hi a hmachhawn a ngai ang.