Assam sorkar-in Jail tang 2,685 tan hun titawi
Assam sorkar chuan Zirtawpni khan official thuchhuah siamin Republic Day pualin jail tang mi 2, 685-te chu an tan hunchhung tur a tihtawi sak dawn tih an tarlang.
Sorkar thuchhuah chuan court in thiam loh a chantir vanga jail tang (court martial tel lo in) mi eng emaw zat chu an tan hun chhung a tihtawi dawn thu a tarlang a ni.
Court in thiam loh a chantir avanga jail tan mi 3, 089 awm zingah Assam sorkar chuan mi 2, 685-te chu an tan hun chhung a tinep dawn a. heng zinga 2, 650-te chu ni 30 in an tan hunchhung tihtawi a ni dawn tih thuchhuah-ah chuan an tarlang. Mi 23 chu ni 15 in tihtawi an ni dawn bawk a, mi paruk chu ni 10 in tihtawi a ni dawn a, midang paruk la bang te chu ni nga in tihtlem a ni dawn bawk.
A la bang mi 404-te erawh hi chu non-admissible provision hnuaia thiam loh chantir an nih avangin Republic Day pual hian an tan hunchhung tihdanglam sak theih an ni ve lo thung.