Assam-ah NDFB mi kaphlum

Assam hel pawh Na­tional Democratic Front of Bodoland (NDFB) mi leh sa ruh tak chu security force-te'n Kokrajhar district-ah an kaphlum tih army official-te chuan Pathianni khan an sawi.

Defence thupuangtu Lt Col Suneet Newton chuan Akhsiguri area-ah an kahhlum thu sawiin a ruang bulah hian 9mm pistol leh silai mu eng emaw zat an chhar thu a sawi bawk.

An mi kahhlum hi Ricardo Hazuary a nih thu Newton chuan a sawi a, Red Horn Division leh Assam Police ṭangkawpin beihpui an thlaknaah an kahhlum thu a sawi a ni.

Newton chuan beih­pui an thlaknaah mi pakhat ralthuam keng an hmuh thu leh, ralthuam keng hian lo kapin an kah letnaah Ricardo hi an kahhlum tak thu a sawi.

Ricardo hi NDFB mi leh sa ruk tak niin, No­vember 2017-a con­trac­tor Rasna Basuma­tary kah a nihah pawh khan a inhnamhnawih thu a sawi bawk a ni.