2019 Sikkim assembly inthlanah SNPP ding dawn

Sikkim Nationalist People's Party (SNPP) chuan Thawhṭanni khan 2019-a Sikkim assembly inthlanah an tel dawn tih an sawi.

SNPP President Biraj Adhikari chuan 2014 inthlana an tel loh hnuah nakkum inthlanah chuan an tel ngei tawh dawn tih a sawi.

Adhikari chuan Chief Minister Pawan Chamling-a kaihhruai sorkar hnuaiah inhnialna tur thil a tam tawh nia sawiin rorel ngai lo kuta Himalayan state chu dah ve a hun tawh niin a sawi a, hmasawnna leh changkanna lam pan a hun ve tawh thu a sawi bawk.

SNPP President chuan 2019 inthlan hun atan ruahmanna ṭha tak a neih tawh thu a sawi bawk a, Sikkim state chu ṭhangtharte kuta a awm ve a hun tawh a ni, a ti. Employment, Health leh Education lamah pawh mipuite beisei anga hmasawnna a awm a hun tawh niin a sawi.

Rorel lai Sikkim Democratic Front (SDF) MLA 14-te ban tura petition thehluh a nih chungchang pawh sawiin, Governor N Shriniwas Patil chuan hemi chungchang hi Election Commison hnenah a thlen tawh tih a sawi bawk.