Rahul-a'n Meghalaya election campaign kick-off nei

Congress President Rahul Gandhi chuan Meghalaya election campaign kick-off-na neiin music festival-ah a tel nghal bawk.

Rahul Gandhi hi West Jaintia Hills district head­quarters Jowai-ah kal hmasa in Congress tana campaign-na hi a nei hmasa a, an party candidate-te a thlawpna a lantir hmasa a ni.

Jowai aṭang hian Shillong-ah let lehin Meghalaya Congress executive committee chu meeting a neihpui a, hemi hnu hian music concert “Celebrate Peace and Way of Life”-ah a tel nghal.

Gandhi hian tukin zing hian sakhaw hruaitute leh tunhma aṭanga an hnam rinna lo kalpui chho tawhtu Khasi leh Jaintia-te chu hmuin tukṭhuan a kilpui dawn bawk niin Meghalaya inthlan atana AICC Coordinator Yashomita Thakur chuan a sawi.

Vawiin vek hian journalist-te nen inkawmna an neih zawh hnuah St. Edmund's College-ah thu a sawi nghal dawn bawk niin Thakur chuan a sawi.

Meghalaya hian February 27 hian seat 60 awmna assem­bly inthlanna an nei dawn a, March 3-ah vote chhiar a ni thung ang.

Hetih lai hian Prime Minis­ter Narendra Modi chuan nikum December thla khan BJP tana campaign-na hun a lo hmang tawh thung a, khami ṭum khan Modi chuan Meghalaya Congress chu dik lo taka thiltih thlen foah puhin BJP erawhin hmasawnna chauh an zawn thu a lo sawi tawh thung a ni.