Umngot Hydro Electric Project ṭhulh turin Meghalaya CM ngen

Meghalaya-a Joint Action Committee (JAC) chuan Thawhlehni khan Meghalaya chief minister Conrad K Sangma hmuin, Umngot luia dam project siam tum chu ṭhulh turin an ngen.

CM an hmuh hnuah chanchinbu mite an kawmnaah, Jaintia Students' Union (JSU) general secretary Treibor Raul Suchen chuan, "He project siam tum hian mi tam tak eizawnna a nghawng dawn a, a bikin tourism sector pawh a nghawng pawi dawn hle a ni. Dam hi siam a nih chuan water pollution a thlen dawn bawk a, hei vang hian he project hi kaltlangpui lo a,ṭhulh tura ngenna kan thehlut a ni," a ti.

JAC chuan project hi kaltlangpui a nih chuan thlai chinna ram, hectare 390-a zau a chhe dawn tih an sawi a. hei vang hian CM hnenah hian kawng dang ngaihtuah zawk turin an ngen a ni.

Chief Minister pawhin JAC ngenna hi lo ngaihtuah a, MLA Lakhmen Rymbui chu hemi chungchang hi lo sawipui a tiam a ni.