Assam economy-in hma a sawn zel : Himanta Biswa Sarma

Assam state finance minister Himanta Biswa Sarma chuan an state economy chuan a ṭha lam kawngin hma a sawn zel tih Ningani-a Legislative Assembly-a budget 2020-21 an sawihonaah a sawi. 

Finance minister hian March 6 khan House-ah state budget hi a pharh a, March 7 aṭang khan sawiho zui a ni. Minister chuan state economy chuan a ṭha kawng a hawi mek tih sawiin, 'Direct Benefit Transfer' (DBT) process pawh an hman tawh thu a sawi. Hei vang hian Gross State Domestic Product (GSDP) growth rate pawh 12% a ni thei tih sawiin, state sum chu state chhungah ngei a luan luh zel chu an tum ber a ni tih a sawi. 

"Budget-a Arunoday scheme siam hi sorkar hmalakna thar tur a ni. Hemi hmang hian DBT process kaltlangin beneficiary tinte bank account-ah fund an dawn tur chu thunsak ṭhin an ni ang. Arunoday scheme hnuaiah hian beneficiary-te account-ah thla tinin Rs 814 dah sak an ni dawn a, puja leh eid festival dawnah leh, tuilen laiin dah zat hi tipun a ni ang," tiin minister chuan sawi a ni. Sarma chuan kumin chhungin hmeithai mi nuai khatte hnenah Indira Meri pension pek an ni dawn a, rual ban lo 10,000 te pension pek an nih tur thu a sawi bawk.