Tripura Governor thar lalut

Tripura Governor 19-na atan Nilaini khan Satyadev Narayan Arya chu rinawmna thu tiam tira lakluh a ni.

Govenor thar hi Tripura High Court chief justice AK Kureshi chuan Raj Bhavan-ah rinawmna thu a tiamtir. Kum 82 mi, Arya hi Tripura governor atana ruat a nih hmain Haryana governor a lo ni tawh a ni. BJP hruaitu hlui leh Bihar minister hlui a ni a, kum thum leh a chanve liamtaa Tripura-a BJP kaihhruai ṭangrual sorkar a din hnua Tripura Governor pathumna a ni.

Raj Bhavan-a Gover­nor thar lakluh in­khawmah hian chief minister Biplab Kumar Deb, cabinet minister leh senior official ṭhenkhat an tel. Eptu party, Congress leh Communist Party of India-Marxist hruaitute erawh an tel lo thung.