Mi 16-te hnena Covid vaccine pe turin AP official-te darkar 9 chuang kein an kal

Arunachal Pradesh-a health official-te Luguthang khuaa mi 16-te Covid vaccine pe turin an kein darkar kua chuang an khua hi an pan.

Luguthang khua hi sea level aṭanga ft 14,000 chuanga sanga awm a ni a, state sorkarin Domstang khuaa May thlaa vaccination camp a buatsaihah khan he khuaa mite hi an kal ve thei lo a, hei vang hian kar tir lam khan official-te chuan an khuaah hian an kal chilh a ni.

Tibet ramri bula awm, Luguthang khuaah hian chhungkaw 10 an cheng a, mi 65 an awm a, yak vulha eizawng an ni. An khua hi motor kawngin a pawh loh avangin official-te hian Thingby Hydel aṭangin kein an pan a ni. Khua an thlen hnuah official-te chuan meeting neihpuiin, vaccine la thei chinte hnenah Covid vaccine hi an pe a, damdawite an sem nghal bawk.

Chief minister Pema Khandu chuan an state chhung hmun kilkhawr ber thlenga vaccine pe tura frontline worker-te inpekna chu fakawm a tih thu a sawi.