Assam sorkarin kum 5 chhungin newspaper ads-ah Rs vbc 83 seng

Assam-a BJP sorkar hmasa, Sarbananda Sonowal kaihhruai khan kum nga an sorkar chhung khan chanchinbua fakna tihchhuahna atan cheng vaibelchhe 82.59 an seng.

Assembly budget session neih mekah Nilainia All India United Democratic Front (AIUDF) MLA Karim Uddin Barbhuya-a'n Question Hour-a zawhna chhangin, information and public relations (IPR) minister Pijush Hazarika chuan advertisement atana sorkar sum sen zat hi sawiin, heng advertisement-te hi state chhunga chanchinbu 41-ah tihchhuah an ni, a ti.

Minister chuan IPR department-a chanchinbu ziahluh an neihte chu Assamese-a chhuak 13, English-a tihchhuah pakua leh Bangla leh Hindi-a tihchhuah paruk ve ve a ni tih a sawi.

Hazarika chuan chanchinbute an copy tihchhuah zat an sawi chu sorkarin a enfiah ngai lo a, mahse tunah chuan enfiah a nih dan tur ngaihtuah mek a ni, a ti.