African Swine Fever vangin Assam-ah vawk 38,700 thi tawh

Assam state-ah kum khat leh a chanve liam ta chhungin African Swine Fever (ASF) vangin vawk 38,700 a thi tawh.

Animal husbandry and veterinary minister Atul Bora chuan Asssembly session-a zawhna chhangin, kum 2020-ah ASF hi an state-a hmuh a nih aṭangin he hri vang hian vawk 38,700 an thih tawh thu leh, chhungkaw 13,200 velin an tuar thu a sawi a ni.

ASF vanga vawk vulh lai chante hi sorkar laipuiin a la enfiah mek avangin state sorkar chuan zangnadawmna a la pe lo tih a sawi. "Mahse Assam sorkar chuan hemi chungchang hi a ngaihtuah mek a, vawk vulhtute zangnadawmna pekna tur scheme pawh a siam tawh a ni," a ti.

Nikum September 23 khan chief minister hlui Sarbananda Sonowal chuan ASF lenna biala vawk 12,000 dawn suat turin thupek a tichhuak a, vawk neitute hnenah hian zangnadawmna ṭha tak pe turin official-te pawh a lo hrilh tawh bawk a ni.