Nagaland High Court hran din phutna CJI in thlawp

High Court bar (Kohima bench) aiawh mi parukte chuan New Delhi-ah chief justice of India (CJI) NV Ramana hmuin, Nagaland High Court neih an duh thu an thlen a, CJI pawhin an ngenna hi a lo thlawp hle tih an sawi.

Meeting-ah hian High Court bar (Kohima bench) aiawhte chuan Nagaland tana high court hran siam a ṭul thu CJI hi an sawipui a, CJI pawhin hemi atan hian state chuan infrastructure a neih a ngaih thute a lo hrilh a ni. Infrastructure enfiah tur hian team tirh thuai an nih tur thu pawh a lo hrilh nghal bawk.

CJI hmutute hi convener Timikha Koza, President A Zho, secretary Kekhriengulie Theünuo, joint secretary Joshua Sheqi, senior advocate CT Jamir leh advocate Vitso Rio-te an ni a, justice Ramana hi Naga shawl an pe bawk a ni.