AP CM model code of conduct bawhchhiaah puh

Tripura-a rorel lai Co­mmunist party of India - marxist (CPI-M) chuan Thawhlehni khan Election Commission hnenah complaint thehlutin, Aru­nachal Pradesh Chief Minister Pema Khandu chu model code of conduct bawhchhiaah an puh.

CPI-M state secretary Bijan Dhar chuan Chief Election Commissioner Om Prakash Rawat hnena lehkha a thawnah Pema Khandu chu BJP tan Tripura-a Ma­chmara-a campaign a neihnaah Buddhist shrine-a thu a sawi zawhah thawmhnaw ṭhenkhat a sem tih a ziak a, envelope chhunga pawisa awm a sem bawk niin a ziak.

CPI-M hruaitu chuan a thuziah finfiahna tur com­pact disc (CD) pahnih a pe tel bawk a, he CD-ah hian Machmara-a a campiagn lai zawng zawng hmuh tur a awm a ni. Machmara hi Tripura khawpui, Agartala aṭanga km 135-a hlaa awm a ni.

Hetih lai hian BJP lam ve thung chuan CPI-M chu hnialin Khandu-an mimal thila Bhuddist shrine a tlawh chu poilitics kaihhnawihah an thailut lui niin an sawi a, shrine a kal tur hian Buddhist puithiam in a sawm thu an sawi bawk.