Manipur fake encounter case-ah CBI in FIR 30 thehluh belh

Central Bureau of Investigation (CBI) hnuaia Manipur fake encounter case chungchang chhui tura tura ruat, Special Investigation Team (SIT)-te chuan thupek an nih angin January 31 khan FIR 30 an thehluh belh.

Supreme Court chuan January 16 khan mamawh ang zat case register turin SIT chu a lo hriattir tawh a ni. He hriattirna a tichhuahah hian January 31 hma ngeiin emaw a niah tak SIT chu FIR 30 tal thehluh belh turin a ti a, a hma in FIR 12 an lo thehlut tawh bawk a ni.

Heti hian SIT hian Manipur fake encoun-ter case-ah hian FIR 42 a thehlut ta a ni.

Nikum July 14 khan court sang ber hian CBI officer panga awmna SIT a din a, Manipur-a security force-te leh hel te an inkap nia report awmah dawt a tam ni a sawichungchang chhuichiang turin a ti a ni. Dawt a awm a nih chuan FIR thehlut tura thupek an ni bawk. Nikum December 31-ah khan chhuichianna hi zo fel tawh tura thupek an ni bawk.

PIL thehluha fake encounter case 1, 528 lai hearing neitu apex court chuan case 81-ah FIR thehlut turin a ti a, mahse CBI lam hian hetiang zata FIR thehlut tur hian an duh ang material an hmu thei lo a ni.

Hemi a nih avang hian case file-na 12 awmsa bakah case dang 30 file belh turin January 16 khan thu pek an ni ta thung a ni.