CBI-in MPSC official-te lakah FIR ziaklut

Central Bureau of Inves­tigation (CBI) chuan Manipur Public Service Commission (MPSC) in kum 2016-a Civil Services Main examination a kalpui dan dik lo tawk lo nia sawi chungchang a chhui chiang dawn a, Thawhṭanni khan FIR a ziaklut. 

CBI chuan Manipur High Court thupek angin, MPSC official ṭhenkhat lakah thubuai hi a ziak lut a, mahse official-te hming erawh puanzar a ni lo. 

Kum 2016 khan Manipur Civil Service, Manipur Police Service leh a anpui dang service post 62 atan MPSC chuan Manipur Civil Services Combined Competitive Examination (CSCCE) a buatsaih a ni. Mahse MPSC-in hna a lak danah thil fel tawk lo a awm nia exam beitu eng emaw zatin complaint an thehluh hnuin, nikum October thla khan Manipur High Court chuan he exam buatsaih hi a hnawl a, CBI chu thil awmdan chhui chiang turin a ti zui nghal bawk.