Tripura sorkarin zirlai harsa thiam theite ṭanpui dawn

Tripura sorkar chuan state chunga zirlai harsa zual, chhungkaw harsate a ṭanpui dawn.

Chhungkaw lama harsa, zirlai thiam thei leh tiṭha ṭanpuina tur, ‘One Time Financial Support for economically weaker meritorious SC, ST, OBC, & Minority students’ chu state sorkar chuan siamin, he scheme hmang hian sorkar pawmpui, higher educational institute-a an zirna kawngah sumin a pui dawn a ni.

State sorkar chuan he scheme hnuaia ṭanpuina dawng thei tur zirlaite chu course an zirna atan cheng nuai khatin a pui dawn a, heta ṭang hian admission tih dawnah Rs 50,000 pein, a bak chu first-year course an zawhah pek leh an ni ang. He ṭanpuina hi SC, ST, OBC, & Minority zirlai, class 10 leh 12-a 50% mark hmu chin emaw, professional course-a admission lo ti tawhten an dil thei ang. Tribal welfare department professional course hi 176 a pawm a ni.