Microsoft-in Assam pui dawn

American multina­tional technology com­pany, Microsoft chuan Assam sorkarin startup ecosystem a kalpuina turah a pui dawn. 

Thawhṭanni khan Microsoft team chuan Assam Industries and Commerce department tlawhin, Janata Bhawan-ah commissioner Dr KK Dwivedi leh secretary Majula Saikia te an kawm. 

Microsoft leh Assam sorkar thawkdun hian April thlaah Guwahati-ah stakeholder-te tan Startup Summit an  buat­saih dawn a, hei bakah hian state chhunga en­trepreneur te cho phurna turin Microsoft hian reach-out programme a buatsaih bawk ang. 

Dr. KK Dwivedi chuan Microsoft-ten an puihna chu a hlawk thei ang bera chhawr a nih theihna turin state sorkar pawhin theihtawp a chhuah dawn tih a sawi. An thawhdunna hi state chhunga ṭhalaiten an hlawkpui hle a rin thu a sawi bawk.