Manipur-ah Rohingya nu pathum man

Manipur police-te chuan Ningani khan Rohingya nu pathum leh human trafficker nia puh an man thu an sawi a, Assam aṭanga a ruka Manipur-a lut an nih thu an sawi bawk.

Trafficker hian Mani­pur-a Jiribam district-ah heng nu pathumte hi luhpui a tum nia sawiin, Assam Bengali an ni tia a sawi thu police-te chuan an sawi a, mahse Bengali ṭawng an thiam loh thu an sawi.

Police chuan inte­lligence hnen aṭangin Rohingya mi te hi Jeribam-ah a ruka luh an tum tih thu an dawng a ni. Manipur police-te hian Jiri lui kanna tur atana mau hmanga lei siam 10 vel an tichhe tawh a ni.

Union Home Minister Rajnath Singh-a'n ramri uluk taka veng tura thu­chhuah a siam aṭang khan Manipur-Myanmar border velah patrolling uluk taka an neih fo thu Po­lice-te chuan an sawi bawk.