Retheihna leh hna nei lo tamna ber Tripura : Rajnath Singh

Union Home Minister Rajnath Singh chuan Pathianni khan BJP tana a campaign-na, BT College Ground, Agaratala-ah Left Front sorkar kaihhruaina hnuaiah Tripura chu kum 25 lai a awm hnuah ramchhunga retheihna leh hna nei lo tam lamah a ber an nih thu a sawi. Rajnath Singh hian Tripura BJP candidiate Sudip Roy Barman tana a campaign puinaah he thu hi a sawi a ni.

Rajnath Singh chuan Tripura state mipuite chu kum 25 chhung dik lo taka rorel sak an nih thu a sawi a, BJP sorkar chu thlawp turin pungkhawm mipuite chu a ngen nghal bawk. BJP chuan state chhungah venhimna lam chak takin a kalpui dawn nia sawiin BJP chauh ni lo Communist Party of India - Marxist (CPI-M) mi leh sa te tan pawh venhimna hi kalpui a nih dawn tho thu a sawi. Home Minister chuan tuna sorkar mek hnuaiah hi chuan hetiang hian venhimna hi kalpui a nih lo a, eptu pawl te an chep hle niin a sawi bawk.

Singh chuan sorkar laipuiin hmarchhak state-te a ngaih­pawimawh thu a sawi a, ram­chhunga a ngaihpawimawh ber te zinga mi a nih thu sawiin hetah hian Tripura pawh a tel a ni, a ti.

Home Minister chuan BJP sorkarna turin kawng lo hawn ula, Tripura chu ramchhunga a berah hlankai a ni dawn a ni, tiin mipuite chu a ngen.