BJP in kawiah pawh dawt an sawi : Brinda Karat

Communist Party of India - Marxist (CPI-M) hruaitu Beinda Karat chuan Thawhlehni khan Union Home Minister Rajnath Singh leh a party chuan an kalna apiangah dawt an thehdarh niin a sawi.

Rajnath Singh hian ni hnih chamin Agaratala-ah hian BJP-IPFT tan hian campaign neiin, thu a sawi naah Tripura chu India rama mi rethei tamna ber leh hna thawk lo tamna ber a nih thu a sawi a, BJP in inthlana hnehna an chang a nih ngat chuan mi tupawhin venhimna ṭha tawk tak an dawng vek dawn niin a sawi a ni.

Karat Singh chuan Rajnath Singh leh an party mi, midang pawhin khawl an kengkual a, an kalna apiangah dawt tharlam an sawi zel a ni, a ti.

Karat chuan BJP-IPFT inthu­rual dan chu a thianghlim lo niin a sawi bawk a, IPFT candi­date pakhat phei chu journa­list Shantanu Bhowmik thih chungchangah a lakah FIR thehluh a nih thu a sawi.

Tripura hi February 18 hian an inthlang tawh dawn a, seat 60 awmin March 3-ah vote hi chhiar a ni dawn a ni.

Ṭum dangah chuan Left Front eptu pawl lian ber chu Congress an ni ṭhin a, tun inthlan turah hian Tripura-ah hian BJP hian nasa takin ṭan an la a ni.