PM-in vawiinah Tripura a tlawh dawn

Prime Minister Narendra Modi chu inthlanna neih turah BJP tana campaign nei turin vawiin hian Tripura a tlawh dawn a, February 15-ah pawh hian a tlawh leh dawn bawk a ni. Hemi atan hian nasa takin inbuatsaihna pawh kalpui a ni.

State BJP observer Sunil Deodarh chuan Thawhṭannia Sonamura-a thu a sawi naah PM Modi kal tur hi a chian tawh thu a sawi a, vawiinah hian Sonamura-a Kabi Nazrul Maha vidhyalaya school ground-a party rally-naah thu a sawi ang.

Hemi hnu hian Tripura hmar lama Kailasahar district-ah thu a sawi zui leh dawn bawk a ni.

PM hi February 15-ah Tripura-ah hian a kal leh dawn tih Deodarh chuan a sawi a, Tripura chhim lama Santibazar-ah thu sawi tura ruahmanna awm sa chu tidanglamin Sepahijala district-a Sonamura-ah hun a hman zawk dawn thu a sawi bawk.

Modi hian vawiin vek hian Delhi a pan leh nghal dawn a ni.

Prime Minister chuanna tur bullet proof motor pawhin Thawhṭanni khan Agartala airport a thleng tawh a, SPG team member 52-te pawh nimin lam kha chuan an thleng fel vek tawh bawk. Venhimna hi uluk taka kalpui a ni dawn a, PM Modi thusawina tur hmun pawh hi venhim hna thawktur te hian a hma pawhin an lo enfiah tawh a, police-te hnenah pawh venhimna kalpui dan tur an lo hrilh tawh bawk.