Sikkim : Sample 98 zingah 97-a Delta variant hmuh a ni

Sikkim sorkarin genome sequencing atana a thawn, sample 98 zingah 97-ah coronavirus inkaidarh awlsam leh hlauhawm zawk, Delta variant hmuh a ni.

State health minister MK Sharma chuan sample thlan bikte hi Kalayani, West Bengal-ah genome sequencing tura thawn an ni tih a sawi. "June 23 khan sample 98 hi kan thawn a, an endik hnuah sample 97 zingah Delta variant hmuh a nih thu min rawn hrilh a ni," tiin hei hi an state-a hri a darh nasatna chhan pakhatah an ngai.

Ram chhung hmun tam zawkah hri lengin ziaawm lam pana, positivity rate pawh a tlakhniam mek laiin July thla chhungin Sikkim-ah chuan positivity rate hi chawhrualin 18% chunglam a la ni.

Mi nuai sarih vel chenna, Sikkim-ah hian Covid vaccine hi a la thei chin zinga 20% pawh la tling lo chauhin a dose kimin an la la a ni.