Tripura sorkarin naupaite chhawmdawlna Rs 2,000 pe dawn

Tripura sorkar chuan state chhunga nu, naupaite chu “Mukhyamantri Matripushti Uphar” scheme hnuaiah chhawmdawlna, Rs 2,000 ṭheuh a pe dawn.

State cabinet chuan naupangte chhawmdawlna tur hi a rel a, hei hi ei tur ṭha an leina turin an ti a ni. Rs 2,000 pek tur hi thawh liin an pe dawn a, an bank account-ah thunsak ṭhin a ni ang.

Naupai laite chhawmdawlna tur scheme atan hian cheng vaibelchhe 8 ruahman a nih thu sorkar thupuangtu leh education minister Ratan Lal Nath chuan a sawi. He scheme hnuaia hamṭhatna dawng tur hi mi 32,000 vel an awm tih a sawi bawk.

State sorkar hian he scheme hnuaiah hian naupai laite hnenah ei tur ṭha a lo sem tawh bawk. Nutrition kit an sem hi Rs 500 hu vel niin, peanuts, soyabean, mixed puls, jaggery leh ghee te a tel a ni. Minister chuan Primary Health Centers (PHC)-ah naupai lai hian vawi li an in test a ngai tih a sawi a, test zawh apiangin nutrition kit hi pek zel an ni, a ti.