UNLF-te'n Manipur beihnaa mawh an phurh thu tarlang ; AR in demna thu sawi nghal

Hel pawl United Liberation Front (UNLF) Armed Wing Manipur Peoples Army (MPA) chuan thuchhuah siamin tunhnaia bomb hmanga Manipur hmun hrang hranga pawikhawihna thleng chu an tih a nih thu an sawi.

December 4, 2017-a 6 Assam Rifles parolling neih lai IED bomb hmanga beih te, January 15-a gre­nade leh IED hmanga M Sector beih te, Polo Ground-a grenade hmanga beih­na te leh February 6-a Minuthing Assam Rifel Transit camp bomb hmanga beihnaah te khan mawh an phurh thu an sawi a ni.

Assam Rifles chuan press release siam nghalin UNLF chet dan mawl tak chu an dem thu am tarlang nghal a, Manipur Equestrian Society, Manipur Horse Riding leh Polo Association-te'n Assam Rifles-te puihnaa 15th Sentinel Cup Equestrian Championship 2018 & 9th Junior State Equestrian Championship kalpui a nih lai, February 5-a Assam Rifles-te beih an ni phei chu an dem zual thu an tarlang.

An thuchhuah chuan Imphal khaw laili tak Polo Ground-ah tournament chu buatsaih a nih thu tarlangin mi tam tak tana hmun thianghlim a nih thu an tarlang a ni. Hetiang hmuna hel pawl ten bomb an tipuak chu demawm an tih thu an tarlang bawk.

Assam Rifles-te chu an awm mai mai dawn loh thu leh, mipuite ralmuang taka an awm theih nan hma an la zel dawn tih an sawi.

Pawikhawihtute chu man an nih dawn thu leh an thiltih avangin an chungah hremna lekkawh ngei a nih dawn thu an thuchhuah siamah chuan an tarlang a ni.