Meghalaya : Garo Hills candidate pathumin Scrutiny Test paltlang lo

Meghalaya inthlan tura Garo Hills-a din tum candidate pathumte chu enfiah an nih hnuah hnuah hnawl an ni a, hetih lai hian helai biala candidate tum midang 24 chuan scrutiny test hi an paltlang vek thung.

Candidate pathum hnawl te hi West Garo Hills-a Rajabala leh Selsella bakah South-West Garo Hills district-a Mahendrahanj-a din tum te an ni.

Selsella-a din tum North East India Deve­lopment Party (NEIDP) aiawh hmeichhe can­didate Arelitha K Sangma hi proposer 10 a neih tlin loh vanga hnawl a ni a, non-recognised paty aiawha ding tur te hian proposer 10 tal an neih a ngai a ni.

Rajabala consti­tuency-a din tum Aam Aadmi Party (AAP) candidate Milson Sangma pawh proposer mamawh ang zat hmuh zawh loh vangin hnawl a ni bawk.

Arelitha leh Milson hian proposer pakhat ve ve chiah an hmu zo a ni.

South-West Gagro Hills-a din tum NEIDP candidate tho Seazul H Kharkongor erawh chu disqualify a ni a, ECI-ah expenditure account a hriattir loh avangin hnawl a lo ni thung.

East, North leh South Garo Hills district-ah erawh hnawl an awm lo thung.