Meghalaya sorkar chungah NYAFI an lawm

National Youth Awardees Federation of India (NYAFI) Meghalaya Chapter chuan Meghalaya sorkarin Meghalaya Youth Policy 2021 a siam avangin state sorkar chungah an lawm hle tih an sawi.

Thuchhuah siamin NYAFI Meghalaya Chapter chuan Youth Policy siam tur hian kum 2009 khan state sorkar hnenah rawtna pawh an lo thlen tawh a, mahse ngaihven a hlawh lo tih an sawi. Rawtnate a siam chungin sorkar chuan engmah pawh a sawipui lo niin an tarlang.

Kum 2020 khan National People’s Youth Front hmalaknain state youth policy siam chungchang hi chief minister Conrad K Sangma chu an sawipui thei ta a, CM pawhin an rawtna siamte ngaihvenin sorkarin youth policy a siam ta chu a lawmawm tak zet tih an sawi a ni.