Tripura-ah TMC hruaitu eng emaw zat man

Tripura-ah Nilaini khan Trinamool Congress (TMC) party hruaitu leh activist eng emaw zat chu Covid norms bawhchhia an punkhawm avangin man an ni. Man zingah hian TMC Tripura unit president Asish Lal Sinha pawh a tel.

TMC hruaitute hi kum 1993, July 21-a Kolkata-a rally neihnaa police-ten an kahhlum, Youth Congress activist-te hriatrengna hun hmangin Unakoti district-a Gournagar-ah an pungkhawm a ni.

Police-te chuan sorkarin khuahkhirhna a siamte palzut a, phalna nei loa an punkhawm avangin mi 21 an man tih sawiin, jail-ah dah an ni tih an sawi.