Amit Shah-a'n Tripura tlawh dawn

Union home minister Amit Shah chu August thlaah Tripura-ah a zin dawn tih Tripura tribal welfare and forest minister Mevar Kumar Jamatia chuan a sawi.

Indigenous People's Front of Tripura (IPFT) general secretary ni bawk, Jamatia ho hian Ningani khan IPFT palai, mi palite chuan Amit Shah hi New Delhi-ah an hmu a ni. Jamatia chuan, "Darkar chanve chuang kan inkawm a, kan thil phut hrang hrangte pawh ṭha takin Amit Shah chuan min lo ngaihthlaksak a ni. Tipraland tribal state hran din kan phut chungchangte pawh kan sawi chhuak bawk," tiin a sawi a ni.

Amit Shah hmutu IPFT palai zingah hian MLA pahnih - Prasant Debbarma leh Dhananjay Tripura bakah an party assistant general secretary Jiten Debbarma te an tel. Home minister hnenah hian an thil phut hrang hrang tarlanna, memo­randum pawh an pe nghal bawk.

IPFT-te thil phut zingah hian Tripura leilung fate tana socio-economic, linguistic leh cultural development atana Ministry of Home Affairs (MHA) in High-Power Modality Committee a dinin rawtna leh report a lo siamte a taka thawh te, Schedule Caste tana post ruat awm mekte hnawhkhah thuaite a tel. Hei bakah hian Tripura Tribal Areas Autonomous District Council thuam chakna tura Constitution 6th schedule siamṭhat a, 8th Schedule-ah Tripura-a tribal ṭawng hman nasat ber Kakborok telhte pawh an phut tel bawk a ni.