Tripura sorkarin Tea Museum siam a tum

Tripura sorkar chuan ‘Tea and Tourism’ chawilarna turin Tea Museum siam a tum.

Tea Musuem-ah hian state chhunga tea industry-in kum rei tak aṭanga hlawhtlinna a lo hmuh tawhte pholan a ni dawn tih Tripura Tea Development Corporation (TTDC) chairman Santosh Saha chuan a sawi. TTDC leh Tourism department chuan museum siamna tur hian hma an la ṭan tawh a ni.

Saha chuan tourism department nen sawi dunin, Tea Museum siam-na tur hian Durgabari central tea processing factory bulah ram ruahman a ni tih a sawi. Joint inspection team pawhin he hmun hi an tlawh thu sawiin, tourism department chuan he project atan hian cheng vaibelchhe 3.50 a ruahman a, North East Council-ah pawh project proposal hi thlen a ni tawh a ni, a ti.

Hei bakah hian Sepahijala district-a Kamalsagar-ah tourism project dang siam a ni bawk a, hei hi Tea Tourism hnuaia hmalakna pakhat a ni bawk.