AP sorkar leh IIM Shillong-in MoU ziak

Arunachal Pradesh sorkar chuan Dr APJ Abdul Kalam Centre for Policy Research and Analysis -IIM Shillong chu state chhunga sorkar officer te zirtirna pe tur leh, an state-a IIM-S satellite centre dinna tura knowledge partner atan MoU a ziahpui.

Memorandum of Understanding (MoU) hi AP chief secretary Naresh Kumar leh IIM Shillong director Prof DP Goyal ten chief minister Pema Khandu hmuhin an ziak a ni.

CM Khandu chuan an state tana ni chhinchhiahtlak a ni tih thu sawiin, sorkar inrelbawlnaah capacity building chu thil pawimawh tak a ni tiin, hemi atan hian IIM-Shilong chu hmarchhak biala a tha ber a ni, a ti. An thawhdunna chuan an state tan hmasawnna kawng a hawn ngei a rin thu a sawi bawk. IIM-Shillong team chu August thlaa an state tlawh turin a sawm nghal bawk a ni.

Prof Goyal pawhin AP state nena an thawhdunna tura ruahmanna an neihte sawiin, August thla atangin state administrator-te chu public policy leh governance chung-changah training an pe tan nghal dawn tih a sawi.