AP CM-in 2026 National Games thlen tum

Arunachal Pradesh chief minister Pema Khandu chuan 2026 National Games chu an state-in thlen an inhuam thu leh, dilna thehluh an tum thu a sawi. 

Union sports ministry leh Indian Olympic Association (IOA)  hnenah National Games thlen dilna hi an thehlut dawn tih CM chuan Sangey Lhaden Sports Academy (SLSA)-a State Olympic Games vawi thumna hawnna inkhawmah a sawi. 

"Dik taka thil tih duh mi ka ni. 2024 National Games thleng tur chuan infrastructure mamawhte kan peih fel hman dawn lo. Mahse kum 2026-ah erawh chuan engkim kan peihfel hman thung ang," tiin a sawi a ni. He inkhawma tel, Indian Olympic Association secretary general Rajiv Mehta hnenah pawh National Games thlen an dilna chu a theih anga lo ngaihtuahpui turin a chah nghal bawk.