Tripura sorkarin zirlaite solar lamp sem dawn

Tripura sorkar chuan an state chhunga zirlai rethei zualte tan an lehkha zirna kawnga puihna kawng khat atana eco-friendly solar study lamp (SSL) 6,00,000 a sem dawn. Tripura Renewable Energy Deve­lopment Agency (TREDA) official chuan SSL scheme an kalpuina tur hi Union Ministry of New and Renewable Energy (MNRE) in a sponspor dawn a, sum mamawh 80% hi solar laipuiin tumin, a bak 20% hi state sorkarin a tum ve dawn tih a sawi. 

TREDA director general leh CEO Mahananda Debbarma chuan solar lamp dawngtu tur, zirlaite hnen aṭang hian Rs 10 te tein an khawn ve dawn tih a sawi. A thawh khatnaah zirlai 3,00,000 hnenah pek phawt a ni dawn tih a sawi bawk. SSL 6,00,000 sem tur an ruahman bakah, MNRE hnenah hian a dang 3,00,000 pawh sanction leh turin an ngen bawk a ni.