Nagaland Congress-in BJP-NDPP ṭangrual te hnawl turin ngen

Nagaland Pradesh Congress Commi­ttee chuan thuchhuah siamin 2018 Assembly inthlan tur chu Naga­land tana history pawimawh tak a nih thu an tarlang a, thuneihna inchuhna ringawt a nih dawn loh thu leh ideology hmanga inbeihna a nih dawn thu an tarlang bawk. Kum lo kal leh zel tura Nagaland politics kal dan thlak hlawk thei a ni, an ti.

NPCC thuchhuah siamah chuan Indian National Congress chuan NPCC kaltlangin secularism leh liberal democracy ideology an kalpui thu an tarlang bawk a, hetih lai hian BJP chuan Hindu rama siam tumna, Hindutva ringawt an thupui niin an tarlang a, an thurualpui NDPP pawhin BJP ideology chu an pawmpui tih an tarlang bawk.

NPCC chuan Hindutva leh an agenda kalpui tak tak a nih hma in Nagaland mipuite chu an duh thlang fel turin hun an la nei tih an tarlang bawk a, BJP in thuneihna pumhlum an chang a nih phawt chuan Hindutva chu an kalpui ngei dawn thu an tarlang a ni.

Congress Party chuan mipuite duhdan chu an vawnhim reng thu an tarlang bawk a, secularism leh liberal ideology chu an ṭanchhan a nih reng thu leh BJP leh an thurualpui NDPP-te chuan mipuite nunphung leh dikna chanvo an chhuhsak chu an phal ngai dawn lo tih an tarlang bawk.

NPCC chuan press statement an siamah Nagaland mipuite chu BJP-NDPP ṭangrual hnawl turin an ngen a, kum tam tak democracy kalpui lo ni tawh chu tihchhiat an duh loh thu an tarlang a ni.