Assam-in district pangaa curfew puan hlip dawn

Assam sorkar chuan Covid-19 hri leng hluar zualna district pangaah hri lengin ziaawm lam a pan tak avangin curfew a puan chu hlih a tum.

District panga - Jorhat, Golaghat, Sonitpur, Lakhimpur leh Biswanath dinhmunte uluk taka an thlithlai hnuah, district thuneitute chuan hri leng hi a ziaawm chho tawh a, boruak a ṭhat chhoh zel chuan curfew puan chu hlih a ni tawh dawn tih an sawi.

Chief minister Himanta Biswa Sarma pawhin state chhung hmun dangah khuahkhirhna siamte pawh thlahdul chhoh a ni zel tih sawiin, heng district pangaa curfew puan pawh hlih theih thuai a ni dawn tih a sawi a ni.

July 20 khan a ṭum hnihna atan district pangate hi containment zone-ah puan leh an ni. Hemi hma, July 7 khan containment zone-ah puan an lo ni tawh bawk. District pangaah hian positivity rate a tlahniam tawh hle a, 2% hnuai lam vek a ni tawh a ni.