Nagaland minister hlui Kikon a thi

Nagaland minister hlui, T Kikon chu Pathianni khan kum 88 mi niin Wokh district damdawi-inah a thi. Kikon hian a nupui leh fate pasarih a kalsan a ni.

Kum 1953-a Nagaland state a din hmaa assembly aiawhtu, kum 1961 February thlaa Interim Body dinah khan Kikon hi member a ni. Kum 1964 khan a ṭum khatna Nagaland Lagislative Assembly member-ah thlan a ni a, term ruk dang thlan tlin chhunzawm a ni.

Chief minister hlui Hokishe Sema leh JB Jasokie-te kaihhruai sorkarah khan cabinet minister pawh a lo ni ve ve tawh bawk. Kum 2008 khan politics chawlhsanin, lehkha a ziak a, English leh Lotha ṭawngin lehkhabu eng emaw zat a ziak.