Tripura tribal body-in dan loa Chakma pem lutte thawn haw turin ngen

Tripura-a tribal pawl paruk intelkhawm chuan union home minister Amit Shah hnenah ngenna thlenin, an state-a dan loa Chakma pe lutte chu thawn kir turin an ngen.

Council of Tripasa Hoda chuan Amit Shah hnena lehkha an thawnah hian Bangladesh aṭangin mi tam takin, a bikin Chakma pem lut an tam hle tih an sawi. Heng mite hi Gandacherra sub-division hnuai khaw pali - Narikel Kunja, Naika-cherra, Twichakma leh Thakurcherra-ahte an inbengbel niin an sawi. Hei bakah hian Arunchal Pradesh leh Mizoram aṭangin Chakma hi eng emaw zat an state-ah an lut tih an sawi bawk.

Tualchhung mite leh dan loa pem lut Chakma-te inkarah buaina a chhuah fo thu sawiin, sorkar laipui lamin hma an la thuai lo a nih chuan buaina nasa zawk a chhuah chhoh a hlauhawm thu an sawi a ni.