Congress-in Nagaland buaina chinfel intiam

Nagaland Congress party chuan Thawhṭanni khan an election manifesto tlangzarhin thlan tlin an nih phawt chuan Naga buaina chingfel turin an theihtawp an chhuah dawn thu an sawi.

Election Manifesto hi AICC Observer Capt. Praveen Dawar leh Naga­land Pradesh Congress Committee President K. Therie-ten press conference neihnaah an tlangzarh.

Congress hian Naga­land Assembly inthlan turah hian candidate 19 an nei dawn a, heng an candidate zawng zawng te hi manifesto tlangzarh naah hian an tel vek a ni.

Therie chuan cashless health card mipuite hnena sem vek a nih dawn thu a sawi a, a thlawnin cash­less treatment pawh pek vek an ni dawn tih a sawi.

Hna thar siamna turin department zawng zawng chu hna siam belh thei project kalpui turin an tih dawn thu a sawi bawk.

Therie chuan Agri­culture lam pawh a bik taka an ngaihsak dawn thu sawiin, lo neia ei­zawngtute tan ham­ṭhatna tam tak an ngaih­tuahsak dawn thu a sawi.

State congress presi­dent chuan Congress chauh­in Nagaland chu tuna a din­hmun aṭang hian a chhan­chhuak thei niin a sawi a ni.

AICC Observer Capt Praveen Dawar pawhin Nagaland mipuite chu thutlukna dik siam turin leh secularism vawnghim tlat turin a ngen bawk.