Assam-a tuilian leh soil erosion ven dan tur ngaihtuah
Ramchhunga World Bank hotu Junaid Kamal Ahmed chuan Thawhṭanni khan Assam-in tuilian nasa tak a tawrh ṭhin leh soil erosion vanga buaina a tawh ṭhin tihziaawmna tur kum nga chhung plan World Bank in a siam dawn thu a sawi.
Ahmed chuan an hmalakna turah hian tunlai technology thar ber ber an hman dawn thu a sawi bawk a, fur laia tui tam tak awm ṭhin pawh hman ṭangkaina tur an zawn dawn thu a sawi a ni.
World Bank chuan Brahmaputra-a navigation facility pawh changtlung zawka siam a tum tih Ahmed chuan Assam Chief Minister Sarbananda Sonowal hnenah a hrilh bawk.
Sarbanada Sonowal chuan World Bank hotute hnenah tuilian leh soil erosion chu Brahmaputra tui lianin a thlen ṭhin thu a hrilh a, state tan pawh hna harsa tak a nih ṭhin thu sawiin fur laia tui tam lutuk tihziaawm dan ngaihtuah a ṭul thu a sawi bawk a ni.