Nagaland-ah Venhim hna thawk turin CAPF Company 281

Nagaland state chief electoral office chuan thuchhuah siamin inthlanna felfai leh ralmuang tak neih a nih theihna turin central force campany 281 chu state chhungah dah an ni dawn niin an tarlang.

Central Armed Police Force (CAPF) company 281 dah luh tur zinga 71 chuan Nagaland hi an thleng tawh niin Chief Electoral Officer Abhijit Sinha chuan a sawi bawk.

CAPF mi leh sa ṭhenkhat hi police check point-ah te pawh dah an ni dawn a, ralthuam, pawisa, zu leh dan phal loh thil dang lakah venhim hna an thawk dawn a ni.

Sinha chuan CAPF company 204, Nagaland la thleng ve lo te pawh hi February 18-a Tripura Assembly inthlan neih zawh velah thawn luh ve nghal an nih dawn thu a sawi.