Meghalaya : AT Mongal-a'n social media hmangtute hek

Meghalaya Speaker leh Congress Candidate ni bawk Abu Taher Mondal chuan Facebook-a a chungchang post tute lakah thubuai a thehlut.

Mondal hi Phulbari seat-ah a in contest dawn a, Binoy Ghosh (BJP), SG Esmatur Mominin (NPP) leh independent candidate, Mark Goera Marak-te nen he bial hi an inchuh dawn a ni.

Facebook-ah mi tute emaw in Mondal hian CGI Sheet Housing Board-a sem tur a ru niin an puh a, Mondal chuan police-ah complaint thehlutin, thu dik lo hmangin voter-te rilruah dawt tuh an tum thu a sawi a, thil dik lo tak a ni bawk a ni, a ti.

Mondal chuan Inrinni khan police hnenah thubuai a thehluh tawh thu sawiin, a chungchang post tute hi manchhuah a hrem an nih ngei a beisei thu a sawi.

West Garo Hills superintendent of police Dr MGR Kumar chuan magisterial inquiry tih mek a nih thu sawiin court-ah pawh an thlen tawh niin a sawi. Kumar chuan Facebook account neitu lakah dan anga action an lak dawn thu a sawi bawk.