Meghalaya ram chhunga Assam sorkar chet dan Ngaihven ṭha turin state sorkar duh

Meghalaya state plann­ing board chairman Lambor Malngiang chuan Ningani khan tun hnaia Meghalaya-a Iongkhuli khua a tlawh. He khuaah hian July 25 khan Assam police leh tualchhung mite inkarah intihthiam lohna a thleng a, buaina nasa zawk a chhuah hmain thuneitu lamin an thunun thei a ni.

Lambor Malngiang chuan Iongkhuli-a thil dante enfiah tur hian a hmun a tlawh a, Meghalaya sorkar chu an ram chhunga Assam sorkar chetdan ngaihven ṭha tura a duh thu a sawi.

Malngiang chuan bor­der area-a chengte tan land policy thar siam tura rawtin, heng biala chengte chu land registration fee awl tir tura a duh thu a sawi. Hei bakah hian Revenue department-a district in-charge officer-te chu border area tlawh a, border area mipuite ram neihte chu register sak vek turin a phut bawk.

Iongkhuli khuaah hian Malngiang hi Jirang MLA Sosthenes Sohtun, Umsning MLA Jason Sawkmie Mawlong bakah Ri Bhoi district official-ten an ṭawiawm.