Assam-Nagaland in border aṭanga police-te hnuhkir remti

"Assam police-te an chhuah phawt loh chuan kan chhuak lo ang" - Dy CM

Assam leh Nagaland sorkar chuan ramria buaina an neihna hmuna police duty-te chu hnuhkir ve ve an remti.

Kar liam ta Inrinni khan state pahnih chief secretary-te chu Dimapur-ah inhmuin, ramri buaina an neihna, Dessoi Vally Reserved Forest/Tusrangkong Valley-a hmun pahniha boruak ṭha a awm theihna tura hma lak dan turte an sawidun a ni.

Meeting-ah hian ramria state police dahte chu hnuhkir an remtih bakah, ramri hi UAV leh sattelite imagery hmanga vil zui an rel bawk. Mokokchung (Nagaland) leh Jorhat (Assam) district superintendent of police-te chuan an police-te hnuhkirna tur thupek hi an tichhuak ang a, mawh an phur zui ang.

State pahnihte hian a hma pawhin border area aṭanga police-te hnukkir tur hian inremna pawh an lo siam fo tawh a, mahse Assam lam hian zawm loin an police-te an hnuhkir lo mai ni loin, an dah belh zawk ṭhin niin Nagaland deputy chief minister Patton chuan a sawi. Assam police-te an chhuah hma chuan an police-te chu an chhuak dawn bik lo tih sawiin, a hmaa an lo tihsual tawh ang chu an tisual nawn tawh dawn lo tih a sawi a ni.