Assam sorkar, NABARD leh AIFA-in MoU ziak

Assam state sorkar, NABARD leh Assam Infrastructure Financing Authority (AIFA) chuan state chhunga development project hrang hranga thawh a nih theihna turin thawhhona tur, Memorandum of Understanding (MoU) an ziak.

Nilaini khan Mou hi an ziak a, chief minister Himanta Biswa Sarma pawhin a telpui a ni. CM Sarma chuan an state tana ni chhinchhiah tlak tak a ni tih sawiin, hei hian hmasawnna bung thar a kaipui ngei a beisei thu a sawi.

MoU-ah hian cheng vaibelchhe 13,200 hu chu state chhunga infrastructure tihhma­sawnna atana ruahman a ni a, academic sector lam chu ngaih pawimawh a ni dawn tih CM chuan a sawi. Kum thum chhungin engineering college, medical college, uni­versity, school, stadium, tourism cetnre leh cold storage-te sak a ni ang, a ti.

Finance minister Ajanta Neog pawhin hmasawnna kawng thar zawhna turin project hrang hrang hawn a ni thuai dawn tih a sawi bawk.

NABARD managing director PVS Suryakumar chuan Chief Minsiter chu an rawtnate pawmpui a, hun reilo te kara MoU ziah a nih theihnan ruahmanna a siam avangin lawmthu a hrilh bawk.