Kum 5 chhungin sapeltuten samak 22 kaphlum

Assam-ah kum nga chhungin sapeltuten Assam-in a larpui, samak ki khat nei chi chu 22 an kaphlum tih state assembly hriattir a ni.

AIUDF MLA Sirjauddin Ajmal zawhna ziaka a chhannaah, environment and forest minister Parimal Suklabaidya chuan kum nga chhunga samak 22 kahhlum an nih thu hi a sawi a, hemi rual hian kumtin sapel ṭhinte hi an tlem chho zel tih a sawi nghal bawk.

Kum 2017 khan samak pakua kahhlum an ni a, kum 2018-ah pasarih, 2019-ah pathum, 2020-ah pahnih leh kumina pakhat kahhlum an nih thu Suklabaidya chuan a sawi. Sapeltu mi 644-te chu kumin June 1 thleng khan man a ni tawh a, thubuai 25 ziahluh a ni tawh bawk.

Minister chuan uluk taka an chhui hnuah sapeltute hi man an ni tih sawiin, Assam sorkar chuan ramsa pel kaihhnawiha thubuaite rang zawka ngaihtuah a nih theihna atan fast-tract session court 10 a din thu a sawi.